कतारमा पनि देखियो कोरोना भाइरसको संक्रमण

Spread the love

काठमाडौं । कतारमा पनि कोरोना भाइरसको संक्रमण भेटिएको छ । इरानबाट फर्किएका २६ वर्षका व्यक्तिमा कोरोना भाइरस संक्रमण भेटिएको त्यहाँको सरकारी समाचार एजेन्सीले जनाएको छ । चीनको वुहानबाट सुरु भएको कोरानो भाइरसको संक्रमण युरोप र मध्यपूर्वमा पनि देखिएको छ । चीनपछि सबैभन्दा धेरै इरानमा ३४ जनाको मृत्यु भएको छ । कोइराल र इटलीमा पनि कोरोनाको संक्रमण बढी देखिएको छ । खाडी मुलुकहरु मध्ये कुवेत, बहराइन, मलेसिया, यूएईमा पनि कोरोनाको संक्रमण देखिएको छ ।

पछिल्लो मधेश आन्दोलनमा ज्यान गुमाएकाहरुको शालिक निर्माणमा सांसद र वीरगञ्ज महानगरपालिकाले ४० लाख रुपैयाँ खर्च गर्ने भएका छन् । वीरगञ्जको घण्टाघरस्थित विपी उद्यान मधेशी शहीद पार्कमा शहीदको शालिक बनाउन स्थानीय पूर्वाधार विकास साझेदारी अन्तर्गत पर्सा क्षेत्र नं. १ को २० लाख र वीरगञ्ज महानगरपालिकाकाले २० लाख गरी ४० लाख रुपैयाँ खर्च गर्न लागिएको हो ।

घण्टाघर छेउको सुलभ शौचामलय नजिकै चालु आर्थिक वर्ष ०७६/७७ भित्रै शालिक निर्माण सम्पन्न हुनेछ । समाजवादी पार्टीका संघीय सांसद प्रदीप यादव र महानगरपालिकाका नगर प्रमुख विजय कुमार सरावगीले शुक्रबार शाालिक निर्माण कार्यको शिलान्यास गरेका छन् । सांसद यादवले सदियौंदेखि विभेदमा परेका मधेशी, दलित, मुस्लिमलगायत उत्पीडित समुदायको अधिकारका लागि शहीदले दिएको बलिदानी मधेशको धर्तीमा सधै अमर रहने बताए ।

‘राज्यका विभिन्न निकायमा मधेशीले जति अधिकार पाएका छन्, मधेसी वीर शहीदकै बलिदानीको प्रतिफल हो’ सांसद यादवले भने ‘वीर शहीदलाई मधेशको धर्तीमा सम्मान गर्न र सम्झनामा राख्न सहिद स्मारक निर्माण गर्न लागेका हौं ।’ पछिल्लो मधेस आन्दोलनमा पर्सामा ७ जनाले ज्यान गुमाएका थिए ।

एक वर्षअघि महानगरपालिकाको स्वामित्वमा सोही विपी उद्यानको जग्गामा मुख्यमन्त्री लालबाबु राउत गद्दी र भौतिक पूर्वाधार विकासमन्त्री जितेन्द्र सोनलले संयुक्त रुपमा शहीद पार्कको शिलान्यास गरेका थिए । तर पार्क निर्माणको काम अघि बढ्न सकेको छैन । महानगरपालिकासँग समन्वय नगरी पार्क निर्माण कार्यको शिलान्यास गरिएको भन्दै नगर प्रमुख सरावगीले समेत त्यसको विरोध गरेका थिए ।

Leave a Reply

Your email address will not be published. Required fields are marked *