સરકાર બનાવી રહ્યું છે સ્વદેશી ઓએસ; ગૂગલનું એન્ડ્રોઈડ અને એપલ આઈઓએસને મારશે ટક્કર…..

વર્તમાન બજારમાં સ્માર્ટફોન માટે માત્ર બે ઓપરેટિંગ સિસ્ટમ છે, પરંતુ હવે ભારત સરકાર ત્રીજી ઓપરેટિંગ સિસ્ટમની યોજના બનાવી રહી છે.

કેન્દ્રીય ઈલેક્ટ્રોનિક્સ અને આઈટી રાજ્ય મંત્રી રાજીવ ચંદ્રશેખરે એક નિવેદનમાં જણાવ્યું છે કે સરકાર ગૂગલના એન્ડ્રોઈડ અને એપલના આઈઓએસના વિકલ્પ તરીકે સ્માર્ટફોન માટે સ્વદેશી ઓપરેટિંગ સિસ્ટમ બનાવવાની યોજના બનાવી રહી છે.

હાલમાં મોબાઈલ ફોન માટે માત્ર બે ઓપરેટિંગ સિસ્ટમ છે જે ગૂગલની એન્ડ્રોઈડ અને એપલની આઈઓએસ છે.

સાદી ભાષામાં કહીએ તો મોબાઈલ ઓપરેટિંગ સિસ્ટમ પર એપલ અને ગૂગલનું વર્ચસ્વ છે.

ઘણા પાસાઓ પર વિચાર કર્યા પછી , ઈલેક્ટ્રોનિક્સ અને ઈન્ફોર્મેશન ટેક્નોલોજી (MeitY) અને ભારત સરકારના મંત્રાલયે એક નવી હેન્ડસેટ ઓપરેટિંગ સિસ્ટમ બનાવવાની વિચારણા કરી છે.

આ માટે નવી નીતિ ઘડવાની કામગીરી ચાલી રહી છે. તેમણે વધુમાં કહ્યું કે સરકાર સ્વદેશી ઓપરેટિંગ સિસ્ટમ (OS) વિકસાવવા માટે સ્ટાર્ટ-અપ્સ અને કોલેજો સાથે વાતચીત કરી રહી છે

તેમણે ઈન્ડિયા સેલ્યુલર એન્ડ ઈલેક્ટ્રોનિક્સ એસોસિએશન (આઈસીઈએ) દ્વારા સંચાર અને આઈટી મંત્રી અશ્વિની વૈષ્ણવ દ્વારા તૈયાર કરાયેલ ઈલેક્ટ્રોનિક્સ મેન્યુફેક્ચરિંગનો બીજો ગ્રંથ બહાર પાડ્યો છે,

જેના સભ્યોમાં Apple, Lava, Foxconn, Dixon જેવી કંપનીઓનો સમાવેશ થાય છે. દસ્તાવેજમાં 2026 સુધીમાં દેશમાં ઈલેક્ટ્રોનિક્સ મેન્યુફેક્ચરિંગને $300 બિલિયન અથવા લગભગ રૂ. 22,55,265 કરોડ સુધી લઈ જવાનો પ્લાન છે.