આઈપીએલની મેગા ઓક્શન હાલમાં બેંગ્લોરમાં યોજાઈ રહી છે. RCBએ એક ખેલાડીને ખરીદવા માટે બોલી લગાવી હતી, ત્યારબાદ સનરાઇઝર્સ હૈદરાબાદની ટીમ પણ તેને ખરીદવા માટે મક્કમ હતી,
જેના કારણે આ ખેલાડીને ખરીદવા માટે બંને વચ્ચે યુદ્ધ ચાલી રહ્યું હતું. આ ખેલાડી તેની ખતરનાક બોલિંગ માટે જાણીતો છે. તેના આધારે આરસીબીએ આઈપીએલ 2021ની ફાઈનલ સુધીનો પ્રવાસ ખેડ્યો હતો.
RCBએ છેલ્લી IPL સિઝનના હીરો હર્ષલ પટેલને તેમના કેમ્પમાં ફરીથી સામેલ કર્યો છે. તેણે 10.75 કરોડમાં હર્ષલ પટેલને પોતાની સાથે જોડ્યો છે.
હર્ષલ પટેલને ખરીદવા માટે આરસીબી અને સનરાઈઝર્સ હૈદરાબાદ વચ્ચે જોરદાર જંગ ખેલાયો હતો. હર્ષલ પટેલ આ પહેલા પણ RCB ટીમ તરફથી રમતા હતા. હર્ષલ પટેલની બેઝ પાઇ 2 કરોડ રૂપિયા હતી.
હર્ષલ પટેલે IPL 2021માં પોતાની રમતથી બધાના દિલ જીતી લીધા હતા. તેણે IPL 2021માં સૌથી વધુ 32 વિકેટ લીધી છે અને પર્પલ કેપ જીતી છે. તેણે ખૂબ જ શાર્પ બોલિંગનો નમૂનો રજૂ કર્યો હતો.
ધીમી બોલ પર વિકેટ લેવાની તેની કળા જાણીતી છે અને તે બંને બાજુથી સ્વિંગ બોલિંગ કરી શકે છે. આ પ્રદર્શન જોઈને તેને ન્યૂઝીલેન્ડ સામેની ટી-20 શ્રેણીમાં ડેબ્યૂ કરવાની તક મળી. જ્યાં તેણે આ તકનો લાભ લીધો હતો
હર્ષલ પટેલ પોતાની બોલિંગથી દરેક માટે અગમ્ય કોયડો બની ગયો હતો. તેના બોલ રમવું કોઈના માટે સરળ નહોતું. ગત સિઝનમાં તે RCB માટે સૌથી મોટા મેચ વિજેતા તરીકે ઉભરી આવ્યો હતો. તેના બોલના જાદુથી કોઈ બચી શક્યું ન હતું.