રાષ્ટ્રપતિ વ્લાદિમીર પુતિનના નજીકના સહયોગીઓમાંના એક, રશિયન નેશનલ ગાર્ડના વડા વિક્ટર ઝોલોટોવે જાહેરમાં કહ્યું છે કે યુક્રેનમાં રશિયાનું લશ્કરી ઓપરેશન ક્રેમલિન ઇચ્છતું હતું તેટલું ઝડપથી થયું નથી. અમેરિકાના રાષ્ટ્રીય સુરક્ષા સલાહકાર જેક સુલિવાને રવિવારે કહ્યું કે રશિયન રાષ્ટ્રપતિ વ્લાદિમીર પુતિન યુક્રેનમાં તેમની સેનાની પ્રગતિથી “નિરાશ” છે. યુએસ રાષ્ટ્રીય સુરક્ષા સલાહકાર જેક સુલિવાને સીએનએનને જણાવ્યું હતું કે “વ્લાદિમીર પુટિન એ હકીકતથી નિરાશ છે કે તેમના સેનાએ જે પ્રકારની પ્રગતિની કલ્પના કરી હતી તે નથી કરી રહ્યા.”
રશિયાએ 24 ફેબ્રુઆરીએ યુક્રેન સામે યુદ્ધની ઘોષણા કરી હતી. આ યુદ્ધ હજુ પણ ચાલુ છે. યુક્રેનની સેના રશિયન સેનાને જોરદાર ટક્કર આપી રહી છે. વાસ્તવમાં આ યુદ્ધ જીતવા માટે અનેક ઘાતક હથિયારોની મદદ લેવામાં આવી રહી છે. આવો જાણીએ રશિયા અને યુક્રેનની સેના આ યુદ્ધમાં કયા ઘાતક હથિયારોનો ઉપયોગ કરી રહી છે.
1. 9K720 ઇસ્કેન્ડર બેલિસ્ટિક મિસાઇલ: રશિયાએ યુક્રેનમાં ઘરો, હોસ્પિટલો અને શાળાઓને નિશાન બનાવીને નાગરિકોની હત્યા કરી છે. તે જ સમયે, આ લક્ષ્યોને મારવા માટે 500 કિમી સુધીની રેન્જવાળી 9K720 બેલેસ્ટિક મિસાઈલનો ઉપયોગ કરવામાં આવી રહ્યો છે.
2.3M-14 કેલિબર લેન્ડ એટેક ક્રૂઝ મિસાઇલ
2,500 કિમી સુધીની રેન્જ ધરાવતી આ લેન્ડ-એટેક ક્રૂઝ મિસાઈલ (LACM) ઘણી શક્તિશાળી છે. આ મિસાઇલો રશિયન નૌકાદળની ગ્રાઉન્ડ-સ્ટ્રાઇક ક્ષમતાનો મુખ્ય આધાર છે. આ મિસાઈલ રશિયાના મોટા હથિયારોમાંથી એક છે.
3.TOS-1 બુરાટિનો હેવી ફ્લેમથ્રોવર
આ પણ એક ઘાતક હથિયાર છે. જેની ફાયરપાવર 6 કિમી સુધીની છે. આ મિસાઈલને કારણે ઘણો વિનાશ પણ થઈ રહ્યો છે.
Bayraktar TB2 ડ્રોન
આ ડ્રોન 27 કલાક હવામાં રહે છે. રશિયન સેના પર નજર રાખવા માટે યુક્રેનની સેના દ્વારા તેનો મોટાપાયે ઉપયોગ કરવામાં આવી રહ્યો છે. આ ડ્રોન તુર્કી દ્વારા બનાવવામાં આવ્યું છે.
FGM-148 જેવલિન એન્ટી ટેન્ક ગાઈડેડ મિસાઈલ
આ મિસાઈલ 4 કિમી સુધીની રેન્જ ધરાવે છે. યુએસ નિર્મિત FGM-148 જેવલિન મિસાઇલ યુક્રેનના સૌથી ઘાતક હથિયારોમાંથી એક છે.
નેક્સ્ટ જનરેશન લાઇટ એન્ટી ટેન્ક વેપન
આ ટેન્ક બ્રિટન દ્વારા યુક્રેનને આપવામાં આવી છે. તેમની રેન્જ લગભગ 800 મીટર છે.