ધોની પહેલા કાર્તિકે વિકેટકીપર બેટ્સમેન તરીકે ભારતીય ટીમમાં પ્રવેશ કર્યો હતો. ભારતીય ક્રિકેટ ટીમનો વિકેટકીપર અને બેટ્સમેન દિનેશ કાર્તિકનું ખૂબ ખરાબ નસીબ છે જો એમ કહેવામાં આવે તો કંઈ ખોટું નથી. દિનેશ કાર્તિકની વ્યાવસાયિક અને અંગત જિંદગી બંને સંધર્ષોથી ભરેલી છે. ધોનીના આગમન પછી, તેની પાસે કુશળતા હોવા છતાં પણ રાહ જોવા સિવાય કંઇ મળ્યું નહીં. ધોનીને કેપ્ટન બનાવવામાં આવ્યા બાદ જે બાકી હતું તે પણ પુરૂ થઈ ગયું. તે ભારતીય ટીમ માટે માત્ર જરૂરત બનીને રહી ગયો.
દિનેશ કાર્તિક આ મુશ્કેલીથી પોતાને દૂર કરી શકે તે પહેલાં, તેને તેના શ્રેષ્ઠ મિત્ર અને પત્ની દ્વારા દગો મળી ગયો. આજે અમે તમને દિનેશ કાર્તિકની જિંદગી વિશે જણાવવા જઈ રહ્યા છીએ. દિનેશનો જન્મ 1 જૂન 1985 ના રોજ ચેન્નઇમાં થયો હતો. દિનેશે તેની ક્રિકેટ કારકિર્દીની શરૂઆત 5 સપ્ટેમ્બર 2004 ના રોજ લોર્ડ્સના મેદાનથી ભારતીય ક્રિકેટ ટીમ સાથે કરી હતી.
તમિલનાડુ તરફથી રમનારા દિનેશ કાર્તિકની કારકિર્દી આંતરરાષ્ટ્રીય કક્ષાએ ક્યારેય બુલંદિઓને પ્રાપ્ત કરી શકી નહીં. હંમેશા ભારતીય ટીમમાં તેનું આવવા જવાનું રહ્યું. આ બધાની વચ્ચે તેની પત્ની નિકિતાએ પણ તેને દગો આપ્યો હતો. આ વિકેટકીપર બેટ્સમેને વર્ષ 2007 માં નિકિતા સાથે લગ્ન કર્યા. પરંતુ લગ્નના લગભગ 6 વર્ષ બાદ 2012 માં બંનેના છૂટાછેડા થઈ ગયા.
આની પાછળનું કારણ દિનેશનો બેસ્ટ ફ્રેન્ડ મુરલી વિજય હતો. મુરલી વિજય અને દિનેશ તમિલનાડુથી સાથે રમતા હતા. તેથી જ બંને ખૂબ સારા મિત્રો પણ હતા. તે દરમિયાન મુરલી વિજય અને નિકિતાનું અફેર શરૂ થયું. આ સમાચાર મળ્યા બાદ દિનેશ અંદરથી તૂટી ગયો. આ અંગેની જાણ થતાં દિનેશે તેની પત્નીને છૂટાછેડા આપી દીધા હતા.
એવું કહેવામાં આવે છે કે જ્યારે તેણે પત્નીને છૂટાછેડા આપ્યા હતા ત્યારે તે ગર્ભવતી હતી. તે પછી, નિકિતાએ છૂટાછેડા લીધા બાદ તે જ વર્ષે મુરલી વિજય સાથે લગ્ન કર્યા. બંનેને નવીન મુરલી વિજય નામનો એક પુત્ર છે. તે દરમિયાન દિનેશ ઘણાં તણાવમાં ચાલી રહ્યો હતો. આ સમય દરમિયાન, તેના જીવનમાં સ્ક્વોશ ખેલાડી દીપિકા પલ્લિકલ ની એન્ટ્રી થઇ.
દીપિકા પલ્લિકલે દિનેશ સાથે માત્ર લગ્ન કર્યા એટલું જ નહીં પરંતુ તેના જીવન અને રમત બંનેમાં સકારાત્મક પરિવર્તન લાવ્યા. દીપિકા પીએસએ મહિલા રેન્કિંગમાં પ્રથમ 10 માં પહોંચનારી પ્રથમ ભારતીય છે. દીપિકાએ તેની કારકિર્દીમાં 7 ડબ્લ્યુએસએ ટાઇટલ જીત્યા છે.
દિનેશ અને દીપિકાએ હિન્દુ અને ખ્રિસ્તી બંને રિવાજો સાથે લગ્ન કર્યા. લગ્ન બાદ દિનેશનું ભાગ્ય બદલાઈ ગયું હતું. વર્ષ 2018 માં, તેણે નિધસ ટ્રોફીની ફાઇનલમાં છેલ્લી બોલ પર સિક્સર ફટકારીને કમાલ કરી દીધો હતો. આજે દિનેશ કાર્તિક તેની પત્ની દીપિકા સાથે ખૂબ ખુશ જીવન જીવી રહ્યો છે. તેને તાજેતરના આઈપીએલમાં કોલકાતા નાઈટ રાઇડર્સ વતી રમતા જોઇ શકાય છે.