ગાંધીધામ નજીકનાં કંડલા ખાતેના દિન દયાલ બંદરથી એક કિલોમીટર દૂર આવેલા ઇફકો કંપનીના બીજા એકમમા રાત્રે 10 વાગ્યાની આસપાસ અચાનક કોઈ કારણોસર ભયંકર આગ ફાટી નીકળી હતી. જેથી અફરતફરીનો માહોલ જોવા મળ્યો હતો.
આવી ભયંકર આગને કાબુમાં લેવા ડીપીટી બંદરના 3 ફાયર ફાઇટર અને ઇફકો એકમના 2 ફાયર વાહન આગને કાબુમાં લેવા સતત પાણીનો મારો ચલાવી રહ્યા છે. જોકે હજુ સુધી આગ કાબુમાં લેવાય નથી.
આગની ગંભીરતાને ધ્યાનમાં લઈને ઇફકો કંપનીમાં એમોનિયા વહન કરતી લાઈનના વાલ્વ તુરત બંધ કરી દેવામાં આવ્યા છે. જો આગ વધુ ફેલાણી તો મોટી દુર્ઘટના બનવાની શક્યતા છે.
અધિકારીઓ એ જણાવ્યું હતું કે આગનું કારણ હાલ ખ્યાલમાં આવ્યું નથી પરંતુ ઘટનાની જાણ થતાં 3 ફાયર ટીમ અગ્નિશામન વાહન સાથે આગને કાબુમાં લેવા ઘટનાસ્થળે પહોંચી ચૂકી છે.
ઘટનાસ્થળની બાજુમાં જ્વલનશીલ ઓઇલ ટેન્ક પણ આવેલા છે, તેથી આગને કાબુમાં લેવાના પ્રયાસો કર્યા હતા. જોકે હજુ સુધી આ ઘટનામાં કોઈ વ્યક્તિની જાનહાનિની જાણકારી મળી નથી .