રવિવારે ઇરાકમાં યુએસ વાણિજ્ય દૂતાવાસ તરફ લગભગ 12 મિસાઇલો છોડવામાં આવી હતી, જેમાંથી ઘણી દૂતાવાસની ઇમારત પર પડી હતી. આ હુમલાઓમાં હજુ સુધી કોઈપણ અમેરિકન સૈનિકના જાનહાનિના અહેવાલ નથી. અમેરિકાનું કહેવું છે કે આ મિસાઈલો ઈરાન તરફથી છોડવામાં આવી છે.
ઈરાકી સુરક્ષા અધિકારીઓનું કહેવું છે કે ઈરાકના ઈરબિલમાં યુએસ ઈન્સ્ટોલેશન પર 12 શોર્ટ રેન્જ મિસાઈલોથી હુમલો કરવામાં આવ્યો છે. આ મિસાઈલો ઈરાનના નજીકના શહેરમાંથી છોડવામાં આવી છે. આ હુમલામાં કોઈનું મોત થયું હોવાનું કહેવામાં આવ્યું નથી. જો કે, યુએસ વાણિજ્ય દૂતાવાસની નજીક સ્થિત ન્યુઝ ચેનલ કુર્દીસ્તાન 24 એ હુમલા પછી તરત જ સમાચાર પ્રસારિત કર્યા. આ દરમિયાન ચેનલના સ્ટુડિયોના ફ્લોર પર તૂટેલા કાચ અને કાટમાળ જોવા મળ્યો હતો.