કેનેડાના વડા પ્રધાન જસ્ટિન ટ્રુડો અને તેમનો પરિવાર દેશની રાજધાનીમાં તેમનું નિવાસસ્થાન છોડીને એક ગુપ્ત સ્થાને પ્રચંડ વિરોધ વચ્ચે સ્થળાંતરિત થયા છે.
કોરોના રસીના આદેશ અને અન્ય જાહેર આરોગ્ય પ્રતિબંધોને સમાપ્ત કરવાની હાકલ કરવા માટે હજારો ટ્રક ડ્રાઇવરો અને અન્ય વિરોધીઓ શનિવારે રાજધાની શહેરમાં એકઠા થયા હતા અને PM ટ્રુડોના નિવાસસ્થાનને ઘેરી લીધુ હતું.
આ ટ્રક ચાલકોએ તેમના 70 કિલોમીટર લાંબા કાફલાને ‘ફ્રીડમ કોન્વોય’ નામ આપ્યું છે. કેનેડિયન ધ્વજ ‘ફ્રીડમ’ લઈને ટ્રકર્સ માંગના ઝંડા લહેરાવી રહ્યા છે. તેઓ પીએમ ટ્રુડો વિરુદ્ધ સૂત્રોચ્ચાર કરી રહ્યા છે.
આ ચળવળમાં ટ્રક ડ્રાઈવરો પણ હજારો અન્ય વિરોધીઓ સાથે જોડાયા છે જેઓ કોરોના પ્રતિબંધો સામે પોતાની નારાજગી વ્યક્ત કરી રહ્યા છે.
હજારો મોટી ટ્રકોના અવાજો રસ્તાઓ પર સતત સંભળાઈ રહ્યા છે અને ડ્રાઈવરો સતત હોર્ન વગાડીને સરકારનો વિરોધ કરી રહ્યા છે. તેઓ સંસદમાં પહોંચી ગયા છે.
શનિવારે રાષ્ટ્રીય રાજધાની ઓટાવામાં 20 હજારથી વધુ ટ્રક ડ્રાઈવરો અને અન્ય પ્રદર્શનકારીઓ એકઠા થયા હતા. ટ્રક ચાલકોએ યુએસ બોર્ડર પાર કરવા માટે રસી ફરજિયાત બનાવવા સામે વિરોધ દર્શાવ્યો છે.
ટ્રક ડ્રાઇવરોમાં પણ ગુસ્સો છે કારણ કે થોડા દિવસો પહેલા કેનેડાના પીએમએ વિવાદાસ્પદ નિવેદન આપ્યું હતું, જેમાં ટ્રકર્સને ‘કોઈ મહત્વની લઘુમતી’ ગણાવ્યા હતા.
શહેરમાં સ્થિતિ ગંભીર બની છે. ઓટાવાના માર્ગ પર 70 કિલોમીટર લાંબી ટ્રકોની કતાર લાગી છે, જેના કારણે અન્ય મુસાફરોને પણ આવવા-જવામાં મુશ્કેલીનો સામનો કરવો પડી રહ્યો છે.
અત્યારે કોઈને ખ્યાલ નથી કે પીએમ ટ્રુડો અને તેમનો પરિવાર ક્યાં છુપાયો છે. જોકે, વિરોધીઓ અન્ય શહેરોમાં પણ પ્રવેશવાનો પ્રયાસ કરી રહ્યા છે
ટ્રક ડ્રાઇવરોને ટેસ્લા કંપનીના માલિક અને વિશ્વના સૌથી ધનિક વ્યક્તિઓમાંના એક ઇલોન મસ્કનો પણ ટેકો મળ્યો હતો. મસ્કે ટ્વીટ કર્યું કે, ‘કેનેડિયન ટ્રક ડ્રાઇવર્સનું શાસન’ અને હવે આ આંદોલનની પડઘો અમેરિકામાં જોવા મળી રહ્યો છે.
કેનેડાના PM ઘરેથી ભાગ્યાઃ વડાપ્રધાનના નિવાસસ્થાનને 20 હજાર ટ્રક ચાલકોએ ઘેરી લીધુ ; જાણો શું છે મામલો?